Alaıaqtar endi Ulttyq qordyń atynan feık taratyp jatyr
ASTANA. KAZINFORM - Áleýmettik jelilerde ótemaqy týraly aqparat taǵy tarady. Endi alaıaqtar Ulttyq qordyń atynan áreket etip jatyr. Bul jarııalanym – feık, oǵan senýdiń qajeti joq, dep eskertedi Stopfake.kz.
Jarnamadaǵy silteme Ulttyq qordyń jalǵan saıtyna aparady. Onda 2020-2029 jyldarǵa arnalǵan azamattarǵa ótemaqy tóleý jobasy týraly jańalyq jarııalanǵan.
Olar salyq aýdarymdaryna, jumys ótiline, ótken jyldaǵy satyp alý qabiletine jáne shyǵyndarǵa negizdelgen.
Ótemaqy mólsherin tekserý úshin paıdalanýshy óziniń JSN-in terýge tıis.
Jalǵan saıttarda jeke aqparatty qaldyrmaǵan jón. Alaıaqtar ony óz paıdasyna paıdalanady.
QR Ulttyq qorynyń resmı saıty joq.
Tólemder boıynsha barlyq aqparat Úkimet pen Ulttyq banktiń portaldarynda jarııalanady.
Resmı aqparat kózderinde 2020-2029 jyldarǵa arnalǵan azamattarǵa ótemaqy tóleý jobasy jaıynda habarlanǵan joq.
Sońǵy kezderi memlekettik organdardyń atynan osyndaı habarlandyrýlar tanymal áleýmettik jelilerde jıi jarııalanyp jatyr.
Olardyń jalǵan ekenin Stopfake.kz eskertken bolatyn.
