Alaıaqtar eGov-tegi jeke kabınetińizge qalaı kire alady
ASTANA. KAZINFORM – Іshki ister mınıstrliginiń resmı ókili Shyńǵys Álekeshev kezekti brıfıngide alaıaqtardyń eGov-tegi jeke kabınet arqyly da aqsha urlaı alatynyn eskertti.
«Alaıaqtar urlanǵan derekter arqyly eGov-tegi jeke kabınetterge kirip, qundy aqparat pen aqsha jymqyrýy múmkin. Qupııa derekterdi surap habarlasqan qońyraýlar men habarlamalarǵa senbeńiz. Bankter men polıtsııa qyzmetkerleri telefon arqyly arnaıy operatsııalar júrgizbeıtinin este ustańyz. Mundaı jaǵdaılarda telefondy qoıyp, kúdikti qońyraýlar týraly polıtsııaǵa dereý habarlańyz», - dedi Shyńǵys Álekeshev.
Resmı ókildiń aıtýynsha, Іshki ister mınıstrligi kıberqylmystyń aldyn alý úshin banktermen birlesip jumys isteýge kirisken.
«Baılanys operatorlarymen frod-qońyraýlarǵa qarsy is-qımyl týraly memorandýmdar jasaldy. «Kolesa», «Krysha» sııaqty habarlandyrý saıttarymen jáne Kıbershabýyldardy taldaý jáne tergeý ortalyǵynyń IT-kompanııasymen kelisimderge qol qoıyldy. Barlyq óńirde ınternet-alaıaqtyqtardy tergeý boıynsha «Kıberpol» mamandandyrylǵan toptary qurylyp, jumys isteýde», - dedi ІІM resmı ókili.
