Alaıaqtar BQO ákiminiń atynan jalǵan habar taratqan

ORAL. KAZINFORM - WhatsApp qosymshasynda Batys Qazaqstan oblysynyń ákimi Narıman Tóreǵalıevtiń atynan jalǵan habarlama taralýda. Alaıaqtar óńir basshysyna tıesili emes nómirdi kórsetken.

BQO ákiminiń baspasóz qyzmetinen málim etkenindeı, qazirgi kezde belgisiz bireýler WhatsApp messendjerinde oblys ákiminiń atynan turǵyndarǵa habarlama taratýda.

«Atalǵan habarlamalardyń jalǵan ekendigin málimdeımiz. Oblys ákimine tıesili ondaı nómir joq. Atalǵan habarlamalarǵa senbeý jáne kúdikti siltemelerge ótpeý kerektigin eske salamyz», dep habarlady vedomstvodan.