Alaıaqtar Baıan Maqsatqyzynyń atynan iPhone smartfonyn oınatyp jatyr
ASTANA. QazAqparat - Instagram-daǵy jalǵan paraqsha túpnusqany aına qatesiz qaıtalaýda, biraq aıyrmashylyqty baıqaýǵa bolady. Tanymal qazaqstandyq prodıýser Baıan Maqsatqyzy (Esentaeva) oqyrmandaryn óziniń atyn jamylyp, túrli naýqandar ótkizip júrgen alaıaqtan saq bolýdy eskertti. «Dostar, bul jalǵan paraqsha, men eshqandaı telefon oınatyp jatqan joqpyn», - dep jazdy ol, jalǵan paraqshanyń fotosyn jarııalap.
Akkaýnttyń túpnusqasy mine osylaı:
Alaıda, bir qaraǵanda ekeýiniń aıyrmashylyǵyn baıqaý múmkin emes: prodıýserdiń shyn akkaýnty «bayanmaxatkyzy», al jalǵan paraqsha - «bayanmaxatkyzy_» dep jazylǵan. Aıyrmashylyq tek bir tańbada.
Jalǵan paraqsha osylaı jasalǵan:
Jalǵan paraqshadaǵy oqyrmandar sany - 900 myńnan astam, al shyn akkaýnt odan tanymalyraq. Sebebi, tanymal juldyz oqyrmandar sany jaǵynan Qazaqstandaǵy kóshbasshylardyń qatarynda. Onyń Instagram-daǵy paraqshasyn 2 mln-nan astam qaraıdy. Atalmysh jarııalanymǵa oqyrmandar Baıannyń tek bul emes, basqa da feık paraqshalary bar dep pikir qaldyrǵan. Olardyń barlyǵy kóptegen jarnama usynatyn kórinedi.
