Alaıaqtar atyńyzǵa nesıe rásimdemes úshin ne isteý kerek
ALMATY. KAZINFORM — Qarjy naryǵyn retteý jáne damytý agenttigi kredıttik alaıaqtyqtan qorǵaý sharalaryn jáne qaryzdar resimdeý kezinde qaýipsizdik erejelerin saqtaý qajettiligi týraly eske salady.
Alaıaqtyq jolmen kredıtter resimdeý táýekelin tómendetý úshin:
- kz portalynda eGov mobile qosymshasynda nemese kredıttik bıýro arqyly «Stop kredıt» qyzmetin qosyńyz. Bul sizdiń atyńyzǵa kredıt resimdeý yqtımaldyǵyn baqylaýǵa múmkindik beredi
- Óz kodyńyz ben qupııasózińizdi qupııa saqtańyz. Qońyraý shalýshy ózin banktiń, qaýipsizdik qyzmetiniń nemese memlekettik organdardyń qyzmetkeri retinde tanystyrsa da, eshqashan jáne eshkimge SMS-kodtardy, PIN-kodtardy, bir rettik qupııasózderdi (OTP) nemese Secure-kodtardy bermeńiz.
- Belgisiz adamdardyń ótinishi boıynsha telefonyńyzǵa nemese kompıýterińizge qashyqtan kirý baǵdarlamasyn ornatpańyz.
- SMS, messendjerler nemese jarnamalardan kúmándi siltemelerge kirmeńiz.
- Onlaın-bankıngke jáne basqa da servısterge kirý úshin eki faktorly aýtentıfıkatsııany paıdalanyńyz.
- Kredıttik bıýrolarda ózińizdiń kredıttik esebińizdi udaıy tekserip otyryńyz - bul resimdeýge ruqsat berilmegen qaryzdardy ýaqtyly anyqtaýǵa kómektesedi.
Osy nusqaýlardy basshylyqqa ala otyryp, siz kredıttik alaıaqtardyń qolyna túsý qaýpin edáýir azaıtasyz.
