Alaıaqtar Almaty ákiminiń atynan jalǵan habarlama taratyp jatyr
ALMATY. KAZINFORM – Almaty ákimdigi qala basshysy Erbolat Dosaevtyń atynan qazaqstandyqtarǵa WhatsApp messendjerinde jalǵan habarlama jiberilgenin eskertti.
WhatsApp messendjerinde Almaty qalasynyń ákimi Erbolat Dosaev pen ákimdik qyzmetkerleriniń atynan turǵyndarǵa jalǵan habarlamalar kelgen. Alaıaqtar +7 707 342 64 39 nómirinen, sondaı-aq basqa da nómirlerden habarlama jiberip, qońyraý shalyp jatyr.
– Resmı túrde habarlaımyz: Almaty qalasy ákimdigi mundaı sıpattaǵy habarlamalardy taratpaıdy. Mundaı habarlamalardy taratý men beıtanys tulǵalardan keletin qońyraýlar – alaıaqtyq áreketter. Mundaı habarlamalarǵa jaýap bermeńizder jáne kúmándi siltemelerge ótpeńizder. Eger osyndaı habarlama alsańyzdar – quqyq qorǵaý organdaryna júginińizder, - delingen ákimdik habarlamasynda.
Eske salaıyq, buǵan deıin Erbolat Dosaevtyń atynan WhatsApp-ta jalǵan aqparat tarap, feık akkaýnttar ashylǵan edi.