Alaıaqqa aldanǵandardyń 3 paıyzy ǵana polıtsııaǵa júginedi
ASTANA. QazAqparat - Qarjy naryǵyn retteý jáne damytý agenttigi qarjy saýaty jaıly saýalnama nátıjesin jarııalady, dep habarlaıdy QazAqparat.
Saýalnamaǵa sensek, alaıaqtyqqa tap bolǵan jaǵdaıda ne isteý kerektigi týraly azamattardyń habardar bolý deńgeıi óte joǵary: respondentter kóbine ınternetten aqparat izdeıdi (37,9%) nemese quqyq buzýshymen odan ári baılanysty úzedi (29,8%).
Bul rette quqyq qorǵaý organdarynyń kómegine júginýdiń tómen deńgeıi (3,1%) jazasyzdyq jáne qylmyskerlerdi áshkereleý múmkindiginiń bolmaýy táýekelin týyndatady.
Bul rette zeınetkerler kóbine aqparatty qylmyskerlerge ishinara berdi (6,3%) jáne qylmysker qońyraý shalǵan uıymnan aqparatty eshqashan naqtylamady (0%).
Bul suraqqa jaýaptyń genderlik ereksheligi áıelderdiń alaıaqtardyń aldaýyna kóbirek beıim ekenin kórsetedi: 9,2% olarǵa qajetti aqparatty ishinara berdi, salystyratyn bolsaq, erlerde bul kórsetkish - 2,9%.
Qarjylyq alaıaqtardyń keńinen taralýyna baılanysty respondentterdiń jartysynan kóbi qandaı da bir shyǵynǵa ushyraǵan joqpyz dep sanaıdy, óıtkeni olar alaıaqtarmen ózara árekettespedi (57,2%), al psıhologııalyq qysym (34,4%) basym bolǵan.
Eske sala keteıik, alaıaqtarǵa kóbine jasy kelgen kisiler men áıelder aldanyp jatady.
