Alaıaqqa aldanǵan azamat CyberPol kómegimen 300 myń teńgesin qaıtardy
ASTANA. KAZINFORM — Túrkııada turatyn Qazaqstan azamaty ınternet-alaıaqtardyń qurbany boldy. Áıel shamamen 300 myń teńgesin túrik lırasyna aıyrbastaýdy josparlap, Telegram messendjeri arqyly kómek izdegen, dep habarlaıdy QR ІІM baspasóz qyzmeti.
Alaıaq áıeldiń tanysynyń sýretin paıdalanyp, sonyń atynan onymen hat almasqan. Tanys adamymen sóılesip otyrǵanyna sengen jábirlenýshi alaıaqtyń sózine erip, aqshasyn aýdarǵan. Aldanǵanyn túsingen áıel bankke júgingen. Sol sátte ol aqshasyn qaıtaryp alatynyna asa úmittenbegen.
Alaıda qarjy uıymy men CyberPol bólimshesiniń ózara is-qımyly nátıjesinde onyń ótinishi nazardan tys qalmady.
Jábirlenýshimen Aqtóbe qalasy polıtsııa basqarmasynyń kıberqylmystardy ashý bóliminiń jedel ýákili Moldash Jaqsybaev baılanysqa shyqty.
Áıeldiń Qazaqstannan tys jerde turatynyna qaramastan, polıtsııa qyzmetkeri oqıǵanyń mán-jaıyn muqııat zerdelep, ári qaraı qandaı áreket jasaý kerektigin túsindirdi. Sondaı-aq Telegram jelisindegi alaıaqtyń tsıfrlyq izderin durys tirkeýge kómektesti.
Polıtsııa qyzmetkeriniń kásibı kómegi men naqty túsindirýleriniń arqasynda jábirlenýshi qajetti aqparattardy jınap, nátıjesinde shamamen 300 myń teńge kólemindegi qarajatyn tolyq qaıtaryp aldy.
— Aqshamdy qaıtara alamyn dep úmittenbedim. Polıtsııa qyzmetkeri meni muqııat tyńdap, jaǵdaıdy tolyq túsinip, ne isteý kerektigin naqty túsindirdi. Onyń kómegi men kásibı keńesiniń arqasynda qajetti derekterdi durys tirkep, qarajatymdy qaıtaryp aldym, — dedi jábirlenýshi.
Osyǵan deıin alaıaqtar qoldy qylǵan qarajatty zań boıynsha qalaı qaıtarýǵa bolatynyn jazǵanbyz.
