Alaıaqqa aldanǵan aqtóbelik 13 mln teńgesinen aıyryldy
Aqtóbe oblysynda ınternet alaıaqtaryna aldanyp, polıtsııadan kómek surap jatqan adamdar bar. Alǵa qalasynyń turǵynyna belgisiz bireý qońyraý shalyp, ózin Astana qalasyndaǵy tergeýshimin dep tanystyrǵan. Keıin jábirlenýshiniń atyna nesıe rásimdep, bank menedjeriniń nusqaýlaryn oryndaýdy suraǵan. Nátıjesinde birneshe mınýttan keıin menedjer qońyraý shalyp, SMS-habarlama kodyn berýin ótinedi.
«Alaıaqtar 13 mln teńgeden astam qarajatty ıemdengen.
Aqtóbe oblysynyń Polıtsııa departamenti bank nemese polıtsııa qyzmetkerinen osyndaı qońyraý kelip tússe, tolyq aqparatty naqtylaý úshin bankke habarlasý kerek. Polıtsııa da, bank qyzmetkerleri de eshqashan banktik shottar nemese jeke derekterdi suramaıdy. Osyndaı jaǵdaıǵa tap bolǵan adam dereý bankke qońyraý shalyp, shotty buǵattaý kerek. Sonymen qatar jaqyn mańdaǵy polıtsııa bólimine habarlasýyńyz qajet», - dedi oblystyq PD baspasóz qyzmetiniń jetekshisi Erbolat Sarqulov.
Aıta keteıik, mundaı oqıǵa túrli sıpatqa ıe. Aqtóbelikke belgisiz er adamǵa qońyraý shalyp, ózin bank qyzmetkeri dep tanystyrǵan. Nesıe rásimdeýge suranys berip jatqanyn aıtyp, Any Desk qosymshasyn júkteýdi jáne SMS-kodty habarlaýdy usynǵan. Osylaısha, alaıaq jábirlenýshiniń 1 000 000 teńge kólemindegi aqshasyn ıemdengen. Atalǵan derek boıynsha tergeý amaldary júrgizilip jatyr.
