Alaıaq jumysqa turǵyzyp berem dep Semeı turǵynynan 3,4 mln teńge alǵan
SEMEI. QazAqparat – Semeı qalasynyń turǵynyn aldap soqqan alaıaq ustaldy, dep habarlaıdy QazAqparat tilshisi.
ShQO Polıtsııa departamenti baspasóz qyzmetiniń málimetine súıensek, 49 jastaǵy azamatty áńgimege tartqan alaıaq jumysqa ornalasýǵa kómektesetinin aıtyp, 3 400 000 teńge suraǵan.
«Buǵan sengen er adam suraǵan aqshasyn qolyna ustatty. Alaıda arada ýaqyt ótkende aldanyp qalǵanyn túsinip, polıtsııaǵa qońyraý shaldy. Jedel-izdestirý sharalaryn júrgizgen tártip saqshylary kúdiktini ustady. Qurylys kompanııasynyń 57 jastaǵy dırektory polıtsııa bólimshesine jetkizilgen. Jaýap alý kezinde ol óz kinásin moıyndady», - dep habarlady vedomstvo ókilderi.
Qazirgi ýaqytta atalǵan fakti boıynsha QR QK-niń 190-baby 3-bóligine (Alaıaqtyq) sáıkes sotqa deıingi tergeý amaldary bastaldy.
Alaıaq 3-ten 7 jylǵa deıingi merzimge bas bostandyǵynan aıyrylýy múmkin.
Esterińizge sala ketsek, osyǵan deıin Óskemende avtobýs qaqqan 5 jasar qyzdyń kóz jumǵanyn habarlaǵan edik.
