Alaıaq «zańger» almatylyqtardyń 111 mln teńgesin qoldy qyldy
ALMATY. QazAqparat - Almaty qalasy №2 Medeý aýdandyq sotynda «Dılemma» JShS zańgerlik kompanııasynyń jetekshisi D.-ǵa qatysty asa iri kólemde alaıaqtyq jasady degen aıyp taǵylǵan qylmystyq is qaraldy, dep habarlaıdy QazAqparat tilshisi qalalyq prokýratýranyń baspasóz qyzmetine silteme jasaı otyryp.
Atalǵan qylmystyq is 2016 jyldyń 1 shildesinde qozǵalǵan. Tergeý materıaldaryna súıensek, sottalýshy D. zań salasynda máseleleri bar adamdardy aldap kelgen.
Ol azamattyq jáne qylmystyq isterdi aqshalaı syıaqy arqyly sheship berýge ýáde bergen. Almatynyń elıtalyq aýdandarynyń birinen keńse jaldap, oqqaǵarlarmen ǵana júrgen ol adamdarmen aldyn ala jazylý arqyly tizim boıynsha kezdesken.
«2008-2014 jyldar aralyǵynda ol 21 azamattyń 111 314 090 myń teńgesin aldap alyp alǵan», delingen prokýratýra habarlamasynda.
Sotqa deıingi tergeý amaldary kezinde sot protsesiniń aıaqtalýy jaqyndaǵanda kúdikti izin jasyrdy. Endi «Kepildik» bultartpaý sharasyn qamaýǵa alý sharasyna aýystyrǵan sot oǵan izdeý jarııalady.
«Sottyń osy qaýlysynan keıin Medeý aýdandyq prokýratýrasy QR QPK-niń 145-baby 11-bóligi boıynsha 2017 jyldyń qańtar aıynda kepilge qoıylǵan memleket menshigine alý týraly ótinim engizdi», delingen habarlamada.
Sot prokýratýranyń ótinimin qanaǵattandyryp, kepilge qoıylǵan quny 6 219 000 teńge turatyn «Kia Sorento» markaly kóligin jáne quny 25 458 000 teńge turatyn Almaty qalasyndaǵy 3 bólmeli páterdi jáne Almaty mańynda ornalasqan quny 6 960 000 teńge turatyn jeke turǵyn úıdi memleket menshigine ótkizdi.
Osylaısha, memleket menshigi barlyǵy 38 637 000 teńgeniń múlki alyndy.
