Alaıaqtyń kesirinen 70-ten asa azamat Vetnamdaǵy demalysynan qaǵyldy

ASTANA. KAZINFORM — Astanalyq alaıaq Vetnamǵa jalǵan áýe bıletterin satqan, dep habarlaıdy Bas prokýratýra.

Olardyń týrıstik joldamalary joıylyp, jábirlenýshiler aıtarlyqtaı qarjylyq shyǵynǵa ushyraǵan.

— Kináli tulǵa áýe bıletterin naryqtaǵydan tómen baǵamen usynyp, klıentterine olardy arnaıy baılanys arqyly satyp alatynyna sendirgen. Alaıda, ol shynaıy bıletterdiń ornyna jalǵan marshrýttyq túbirtekterdi bergen, — delingen habarlamada.

Vedomstvo málimetinshe, týrıster áýe bıletterge tapsyrys joq ekenin ushar aldynda, áýejaıda bir-aq bilgen.

— Zardap shekkender arasynda eresekter de, balalar da bar. Jalpy materıaldyq shyǵyn 17 mln teńgeden asty. Adamdar tek aqshalarynan ǵana emes, kópten kútken demalystarynan da aıyryldy — tólengen qonaqúıler, ekskýrsııalar jáne basqa da shyǵyndar ótelmegen. Alaıaq áıel 3 jyl 6 aıǵa bas bostandyǵynan aıyrý jazasyna sottaldy. Keltirilgen materıaldyq shyǵyn sottalǵannan óndirildi, — delingen habarlamada.

Astana qalasy Nura aýdanynyń prokýratýrasy týrıstik qyzmetter alý úshin tólem jasamas buryn qujattardy muqııat tekserýdiń qajettigin eskertedi. 

Buǵan deıin alaıaqtardan zardap shekkenderdiń 1,6 mlrd teńgeden astam nesıesi keshirilgeni belgili boldy.