Alaıaq SQO turǵynynyń shotyndaǵy bar aqshasyn jymqyrǵan
PETROPAVL. QazAqparat - Soltústikqazaqstandyq polıtseıler ekinshi deńgeıli bank ókilderi, «Qazposhta», «Qazaqtelekom» bólimsheleri basshylary, zerger jáne farmatsevt qyzmetkerlermen, kúzet agenttikteri, ınkassatorlyq uıym basshylarymen kezdesti, dep habarlaıdy QazAqparat tilshisi.
Jergilikti polıtsııa departamenti baspasóz qyzmetiniń málimdeýinshe, kezdesýde jumys qaýipsizdigin qamtamasyz etý jaıy sóz boldy.
Krımınaldy polıtsııa basqarmasynyń basshysy Petr Klımov ákimshilikpen birlese otyryp, aýyldardaǵy poshta baılanysy bólimshelerindegi tehnıkalardy nyǵaıtý, «Qazaqtelekom» AQ-ymen aqparat almasý jedeldigi máselelerin talqylaýdy usyndy. Polıtsııa qyzmetkerleri bank basshylyǵyna klıentterge qarjylyq qaýipsizdik sharalaryn túsindirý jumystaryn júrgizýdi júktedi.
P.Klımovtyń málimdeýinshe, ótken jyly Petropavl turǵyndary ekinshi deńgeıli bank arqyly aqsha aýdara otyryp, 85 ret alaıaqtarǵa aldanǵan.
«Jyl basynan beri alaıaqtarǵa bank qyzmeti arqyly aqshalaı qarajat aýdarý boıynsha 7 oqıǵa tirkeldi. Solardyń birinde jábirlenýshi alaıaqqa SMS-habarlamamen kelgen tórttańbaly qupııasózdi aıtyp bergen. Sóıte otyryp, ol onlaın-bank arqyly óziniń shotyna kirýge ruqsat bergen. Qaskúnem qaıta tirkeý arqyly áıeldiń shotyndaǵy barlyq qarajatty jymqyrǵan», - deıdi P.Klımov.
Departament basshysy, polıtsııa general-maıory Berik Bılıalov kompanııalardyń qatysýynsyz múlikti saqtaý jáne qaýipsizdigin qamtamasyz etý múmkin emes ekenin atap ótti.
Avtor: Olesıa Jýkoven
