Alaıaq Ońtústik Koreıaǵa jumysqa jiberemin dep túrkistandyqtardyń 92 mln teńgesin jymqyrǵan
ASTANA.KAZINFORM — Túrkistan oblysynda Ońtústik Koreıaǵa jumysqa ornalastyramyn degen jeleýmen turǵyndardyń 92 mıllıon teńgesin jymqyrǵan alaıaq sottaldy. Bul týraly Túrkistan oblysynyń prokýratýrasy habarlady.
— Túrkistan oblysynda alaıaq 2023-2024 jyldar aralyǵynda 23 jábirlenýshini Ońtústik Koreıa memleketine eńbek qyzmetin júzege asyrý úshin jumys vızasyn jasap beremin dep aldap, 92 020 000 teńge aqshalaryn alyp alǵan, — delingen habarlamady.
Sot barysynda memlekettik aıyptaýshy sottalýshynyń kinásin tolyq dáleldedi.
Alaıaq 6 jyl merzimge bas bostandyǵynan aıyryldy, sondaı-aq 23 jábirlenýshilerdiń azamattyq talap qoıýlary qanaǵattandyryldy.
Sot úkimi zańdy kúshine engen joq.
Aıta ketelik alaıaqtarǵa aýdarylǵan aqshany qalaı qaıtaryp alýǵa bolatyny týraly jazǵan edik.