Alaıaq Mańǵystaýdaǵy munaı kompanııasyna jumysqa ornalastyram dep 7 adamdy aldaǵan

AQTAÝ. QazAqparat – Mańǵystaý oblysynyń Qandyaǵash aýylynyń turǵyny muǵaljarlyq jerlesterin jumysqa ornalastyramyn degen jeleýmen aldap ketken.

Turǵyndardy árqaısysy alaıaqqa 105 myń teńgeden bergen, dep habarlaıdy lada.kz.

Qarjyny jınap alǵan soń alaıaq jerlesterine Aqtaýǵa bara berý kerektigin, vokzalda olardy tıisti adamdar kútip alatyndyǵyn aıtqan.

Alaıda jerlesine sengen muǵaljarlyqtardy Aqtaýǵa barǵanda eshkim kútip almaǵan. Olar aýyldaryna keri qaıtýǵa bılet alýǵa májbúr bolǵan. Aldanǵan azamattar eline kele sala polıtsııaǵa shaǵym túsirgen.

Atalǵan fakti boıynsha, QR QK-niń 190 baby boıynsha (alaıaqtyq) sotqa deıingi tergeý júrigizilip jatyr.

Kúdikti jasaǵan qylmysyn moıyndady.

Alaıaqtyń osy áreketterinen zardap shekken azamattar Muǵaljar aýdandyq polıtsııa bólimine habarlasýlary kerek.