Alaıaq balabaqsha tárbıeshisiniń 6,5 mln teńgesin qaltaǵa basqan
ÓSKEMEN. QazAqparat – Shyǵys Qazaqstan oblysynda arzan páter ýáde etip, 6,5 mln teńgeni qaltaǵa basqan alaıaq ustaldy. Bul týraly QazAqparat óńirlik Polıtsııa departamentine silteme jasap habarlaıdy.
Polıtsııa qyzmetkerleri Semeıdiń 42 jastaǵy turǵynyn alaıaq jasady degen kúdikpen ustady. Ol Almaty qalasynda turatyn tanysyna megapolısten arzan baǵaǵa páter alyp berýge ýáde etken. Oǵan sengen balabaqshanyń 44 jastaǵy tárbıeshisi kúdiktiniń týysynyń banktegi shotyna 6,5 mln teńge aýdarǵan.
«Kúdikti buryn da isti bolǵany anyqtaldy. Oǵan qarsy «Alaıaqtyq» baby boıynsha sotqa deıingi tergeý bastaldy», - delingen departamenttiń baspasóz qyzmeti taratqan aqparatta.
