Alaıaq áıel Astana turǵyndaryna qaıtarymsyz nesıe rásimdeýmen aınalysqan
ASTANA. QazAqparat - Astana qalasy Іshki ister departamenti 58 jastaǵy Meńsýlý Tabakovaǵa qatysty sotqa deıingi tergeý júrgizýde.
Tergeý barysynda ol 2012-2014 jyldar aralyǵynda Astana aýmaǵynda alaıaqtyq jolmen elorda turǵyndary men basqa da aýmaqtardyń turǵyndarynyń atyna ekinshi deńgeıli bankterde qaıtarymsyz nesıelerdi rásimdeýmen aınalysqandyǵy anyqtaldy. Kúdiktige qatysty polıtsııaǵa aryzdanyp 60-tan astam azamat jolyqty. Kúdiktiniń zańǵa qaıshy áreketterinen zardap shekkenderdiń sany kóp bolýy da múmkin.
Osyǵan baılanysty Meńsýlý Tabakovanyń áreketinen zardap shekken azamattar Astana qalasy Іshki ister departamentine: Beıbitshilik kóshesi 19, 338 b. nemese myna telefon nómirlerine: 71-60-10 (Astana qalasy ІІD kezekshi bólimi), 71-62-13, uıaly tel. 8-701-465-10-71 nómirine habarlasýyna bolady.
Qazirgi ýaqytta M.Tabakova qolǵa tústi, onyń qylmystyq áreketteri QR QK 190 b. 4 b. («asa iri kólemdegi alaıaqtyq») boıynsha jikteldi.
