Alaıaq áıel 4 óńir turǵyndaryn aldap soqqan
AQTÓBE. QazAqparat – Atyraý oblysyndaǵy «Teńiz» kenishine jumysqa ornalastyrýdy ýáde etip, adamdardy aldaǵan atyraýlyq áıel ustaldy, dep habarlaıdy QazAqparat tilshisi.
Alaıaq áıel tek Aqtóbe oblysynyń emes, Túrkistan, Atyraý oblystary men Shymkent qalasynyń turǵyndarynan aqsha jınap alǵan.
«WhatSapp messendjeri arqyly hat almasyp, adamdardyń senimine kirip, «Teńiz« kenishine jumysqa ornalastyrýǵa ýáde bergen. Shymkent qalasynyń turǵyny oǵan 200 myń teńge berip, qolyndaǵy barynan aıyrylyp qalǵan. Tergeý barysynda kúdiktiniń alaıaqtyq jolmen 40-tan astam adamdy aldaǵany anyqtaldy. Alaıaq áıel ár qurbanynan 150 -200 myń teńgeden alyp, óz ýádesin oryndamaǵan», - dedi oblystyq Polıtsııa departamenti baspasóz qyzmetiniń jetekshisi Erbolat Sarqulov.
Shyǵynnyń jalpy somasy shamamen 10 mıllıon teńgeni qurady. Sotqa deıingi tergeý QR QK-niń «Alaıaqtyq» baby boıynsha júrgizildi. Ol úsh jyldan jeti jylǵa deıin bas bostandyǵynan aıyrylýy nemese materıaldyq zalaldy 20 ese etip qaıtarýy múmkin.
