Alaıaq Atyraý turǵyndaryna jer alyp berýge ýáde etken

ATYRAÝ. QazAqparat – Atyraý qalasynyń úsh turǵyny jer alyp berýge ýáde etken alaıaqqa aldanyp qaldy, dep habarlaıdy QazAqparat.

Oblystyq Polıtsııa departamenti baspasóz qyzmetiniń málimetinshe, polıtsııaǵa úsh turǵyn júgingen.

«Atyraý qalalyq polıtsııa basqarmasyna jergilikti úsh turǵyn aryzdanyp, alaıaqqa aldanǵanyn jetkizgen. Ol jábirlenýshilerge osy ýaqytqa deıin jer alyp bermegen, ne aqshasyn qaıtarmaǵan. Osyǵan baılanysty jedel-tergeý toby izdestirý jumystaryn júrgizip, kúdiktini anyqtaldy. Ustalǵan kúdikti Aqtóbe qalasynyń 45 jastaǵy turǵyny bolyp shyqty», - dep habarlady departamenttiń baspasóz qyzmetinen.

Qazir osy fakti boıynsha QR Qylmystyq kodeksiniń 190-baby 3-bóligimen sotqa deıingi tergeý júrgizilýde.

Eske sala ketelik, budan buryn Óskemen turǵyny 13 atyraýlyqtyń aqshasyn aldap alǵanyn habarlaǵan bolatynbyz.