«Alaý» jazǵy formatta jumys isteıdi
ASTANA. QazAqparat - Senbi kúni, 23 shildede «Alaý» muzaıdyn saraıy jazǵy rejımde jumys isteýge kóshedi. Elorda turǵyndary men qonaqtary badmınton, ústel tennısin jáne shaǵyn golf oınaı alady, dep habarlady qalalyq ákimdiktiń baspasóz qyzmetinen.
Jazǵy ortalyq aýmaǵynda uzyndyǵy 400 metrlik rolık tebýge arnalǵan jol salyndy. Al konkı tebýdi unatatyndar úshin jabyq muz aıdyny bar.
Ortalyq kún saıyn jumys isteıdi, dúısenbi - demalys. «Alaý» muzaıdyn saraıynda jeńildikter júıesi de qarastyrylǵan: 5-ten 12 jasqa deıingi balalarǵa, zeınetkerler men ІІІ toptaǵy múgedekterge 50% jeńildik jasalady. Al 5 jasqa deıingi balalar, І jáne ІІ toptaǵy múgedekterge, kóp balaly otbasylardan shyqqan balalarǵa jáne balalar úıiniń tárbılenýshileri úshin kirý tegin.
Jazdyń alǵashqy aıynda kóp balaly jáne turmysy tómen otbasylardan 250 bala «Alaý» saraıynda demalǵan.
«Alaý» jazǵy sport ortalyǵy ystyq kúnde demalýǵa bolatyn eń jaqsy oryndardyń biri.
