«Alaý» muz aıdynynda jappaı syrǵanaq tebý sharasy ótti (FOTO)
ASTANA. QazAqparat - Táýelsizdik kúnine oraı «Astana EHRO-2017» Ulttyq kompanııasy jappaı muzda syrǵanaý is-sharasyn uıymdastyrdy, dep habarlaıdy 24.kz.
«Alaý» muz aıdynynda ótkizilgen shara qala turǵyndary men qonaqtarynyń konkımen syrǵanaý jarysynda baq synaýdan bastaldy.
Júz metr aralyqty baǵyndyrýdaǵy basty talap - jyldamdyq. Synnan súrinbeı ótkender arnaıy syılyqtarmen marapattaldy. Budan bólek, kóńildi hokkeıshiler, arqan tartý men qappen júgirý syndy saıystar ótti. Al balalarǵa arnalǵan oıyn aımaǵynda kásibı anımatorlar túrli qoıylymdar qoıyp, bilikti horeograftar bıdiń qyr-syryn úıretti.
Baǵdarlamanyń sońynda merekelik dastarhan jaıylyp, jınalǵan qaýymǵa úlken tort usynyldy.
