«Alaý» muz aıdyny - TMD-daǵy úzdik ınfraqurylym, «Medeý» aıdyny - úzdik ashyq muz aıdyny dep tanyldy
ASTANA. 29 maýsym. QazAqparat - «Alaý» Muz aıdyny Lenıngrad oblysynda ótken Taý shańǵysy ındýstrııasynyń kongresi men Muz aıdyny kúnderinde «Úzdik ınfraqurylym» atalymyna ıe boldy,
dep habarlady Muz aıdynynyń baspasóz qyzmeti.
Kongres jumysyna TMD elderindegi qysqy sport oıyn túrleriniń federatsııalary, shańǵy keshenderi, shańǵy-bıatlon stadıondary, tramplın, muz aıdyn keshenderi basshylary, sondaı-aq, tanymal sporttyq qural-jabdyqtar markalarynyń ókilderi qatysqan bolatyn.
Basqosý barysynda qysqy sport oıyndarynyń jetistikterimen qatar iri muz aıdyndaryn tıimdi paıdalaný máseleleri keńinen talqylandy. Elimizdegi «Medeý» aıdyny «Eń úzdik ashyq muz aıdyny» retinde tanylsa, Astanadaǵy «Alaý» muzaıdyn saraıy «Úzdik ınfraqurylym» ataldy.
