«Alaý» muz aıdyny saraıynyń dırektory - elimizdiń úzdik sporttyq menedjeri
ASTANA. QazAqparat - QR Mádenıet jáne sport mınıstrligi 2014 jyldyń qorytyndysyn shyǵardy. Shara aıasynda úzdik sportshylarǵa, bapkerlerge jáne federatsııalarǵa syılyqtar tabystaldy. «Alaý» muz aıdyny saraıynyń dırektory Naıl Nýrov «Úzdik sporttyq menedjer» atandy, dep habarlady astana.gov.kz.
«Alaý» muz aıdyny saraıynyń ótken jylǵy basty jetistigi - el basshylyǵynyń tapsyrmasyndaǵy damýdyń úsh strategııalyq baǵytyn túgel oryndaýy boldy. Birinshi kezekte, kásibı konkı tebý sportyn damytý úshin baza qurýdy, balalar sportyn damytý jáne kópshilikke qoljetimdi bolý jobasyn júzege asyrdy.
Kásibı sport salasynda konkı tebý sportynan ulttyq quramanyń jetistikterin atap ótken jón. Naqtyraq aıtqanda, Denıs Kýzın Álem chempıony atandy. «Alaý» muz aıdyny saraıy ashylǵannan beri konkı tebý sportynan 15 iri halyqaralyq týrnır ótkizildi. Sonyń ishinde, Azııa oıyndary, Álem kýbogynyń úsh kezeńi, Azııa chempıonaty.
Búginde «Alaý» - respýblıkamyzdaǵy adam eń kóp keletin nysandardyń biri. 2014 jyldyń ózinde «Buqaralyq syrǵanaý» jobasyna 150 000 astam adam qatysty, budan muz aıdyn saraıynyń qoljetimdiligin baıqaýǵa bolady.
28 aqpanda «Alaý» muzaıdyny saraıynda Qazaqstan tarıhynda tuńǵysh ret konkı tebý sportynan Álem chempıonaty ótedi.
