«Alaý» Muz aıdyny saraıy álemde úzdik jáne joǵary jyldamdyqtaǵy nátıjelerdi kórsetti
ASTANA. 30 tamyz. QazAqparat - Ótken maýsymda «Alaý» Muz aıdyny saraıynda birqatar halyqaralyq jarystar ótip, osynyń qorytyndysy boıynsha bul nysan álemde úzdik jáne joǵary jyldamdyqtaǵy nátıjelerdi kórsetti.
Bul týraly búgin Astanada konkı sportynan Qazaqstan Respýblıkasynyń Jazǵy kýboginiń ashylýy saltanatynda QR Konkı sporty ulttyq federatsııasynyń prezıdenti Vıtalıı Kopalnıýk málim etti.
«Bıylǵy jyly da bizde halyqaralyq saıystar ótedi. Onda álemniń eń júırik sportshylary qatyspaq. Osy oraıda bizdiń sportshylarǵa álemniń eń úzdik sanalatyn muz aıdynynda joǵary kórsetkishterine qol jetkizýin tileımin», - dedi ol.
Onyń aıtynsha, búgingi jarystar aldaǵy álemdik aýqymdaǵy dodalarǵa joldama beredi.
«Sonymen qatar búgin konkı sportymen buqaralyq túrde shuǵyldaný maýsymyn ashyp otyrmyz. Ótken jyly buqaralyq shuǵyldaný maýsymy aıasynda 30 myń adam qatysty. Bıylǵy jyly da osy sport túrine tartylǵandardyń sany arta túsedi degen senimdemin»,-dedi A. Kopalnıýk.
