Alataýda kolonııa basshysynyń eks-orynbasary birneshe ret para aldy degen kúdikpen ustaldy
QONAEV. KAZINFORM – Almaty oblysynyń prokýratýrasy qylmystyq-atqarý júıesiniń burynǵy qyzmetkerine qatysty tergeý júrip jatqanyn rastady.
Vedomstvonyń málimetinshe, Almaty oblysy jáne Jetisý oblysy boıynsha qylmystyq-atqarý júıesi departamentine qarasty №14 mekemeniń burynǵy bastyǵynyń orynbasary Serik Arystanov ustaldy.
– Ol QR Qylmystyq kodeksiniń 366-baby 3-bóligi 4-tarmaǵy boıynsha, ıaǵnı sottalǵan adamdardan birneshe ret para alý faktileri boıynsha kúdikke ilingen, - dep habarlady vedomstvo Kazinform agenttigi tilshisine.
Kúdiktige qatysty bultartpaý sharasyn Qonaev qalasynyń mamandandyrylǵan tergeý soty tańdady. Sot sanktsııasymen ol qamaýǵa alyndy.
Qazirgi ýaqytta sotqa deıingi tergep-tekserý jalǵasyp jatyr.
Prokýratýra QR Qylmystyq-protsestik kodeksiniń 201-babyna sáıkes ózge aqparat jarııa etilmeıtinin málimdedi.
Eske salaıyq, buǵan deıin Almaty oblysy Іle aýdany ákiminiń burynǵy orynbasary Qýat Aqshabaevqa qatysty sotqa deıingi tergeý bastalǵanyn habarlaǵanbyz.