Alataýda 50 myń oryndyq fýtbol stadıony salynbaıtyn boldy
QONAEV. KAZINFORM – Alataý qalasynda 50 myń kórermenge arnalǵan fýtbol stadıonynyń qurylysy josparlanǵanymen, 2026 jyly oblys bıligi jobadan tolyqtaı bas tartqanyn habarlady.
2023 jyly Alataý qalasynyń maketinde úlken jabyq fýtbol stadıonynyń jobasy kórsetilgen edi. Al 2024 jyly Alataý qalasyn damytý sheber-josparyn tanystyrǵan kezde GOLDEN District aýmaǵynda (aglomeratsııanyń tórt aýdanynyń biri) 50 myń kórermenge arnalǵan stadıon salý usynysy resmı túrde jarııa etildi.
Alaıda 2026 jylǵa qaraı Alataý qalasyn damytý jospary qaıta qaralyp, endi aýqymdy stadıon salynbaıtyny belgili boldy.
Bılik 50 myń oryndyq fýtbol stadıony jobasynan tolyqtaı bas tartqanyn resmı túrde habarlady.
Bul týraly Almaty oblysynyń dene shynyqtyrý jáne sport basqarmasy Kazinform agenttiginiń resmı saýalyna bergen jaýabynda málimdedi.
Aıta keteıik, Alataý qalasynda fýtbol stadıonyn salý jospary Almatyda 45 myń oryndyq jańa stadıon salý týraly sheshim qabyldanǵanǵa deıin jarııalanǵan bolatyn.
Eske salaıyq, buǵan deıin Almaty qurylys basqarmasy 45 myń kórermendi bir mezette qabyldaı alatyn jańa fýtbol stadıonynyń jobalyq-smetalyq qujattamasy ázirlenip jatqanyn habarlaǵan edi.