Alataý teatrynyń ánshileri Abaıdyń 175 jyldyǵyna ádebıet kúnin arnady
Teatr basshylyǵy qazaqtyń uly oıshyly Abaıdyń 175 jyldyq mereıtoıyna oraı aqynnyń ǵıbratqa toly, aýqymdy murasyn óskeleń urpaqqa dáripteýdi maqsat etken.
Onlaın formatta ótken kontsertte Alataý dástúrli óner teatrynyń ujymy óleń oqyp, «Alataý» ulttyq ansambliniń súıemeldeýimen án oryndady.
Sazdy áýen arnaıy ázirlengen vıdeoqatarmen berildi.
«Alataý» dástúrli óner teatrynyń ánshisi halyqaralyq jáne respýblıkalyq konkýrstardyń júldegeri Jaqsylyq Saqaev «Ózgege kóńilim, toıarsyń» ánin oryndady.
Aıta ketý kerek, bıyl uly qazaq oıshyly, aqyn Abaıdyń týǵanyna 175 jyl toldy. Osyǵan oraı elimizde aqyn murasyn dáripteý maqsatynda aýqymdy túrde túrli mádenı is sharalar uıymdastyryldy.
QR Prezıdenti Qasym-Jomart Toqaev Abaı jyly ultymyzdyń rýhanı reformatorynyń murasyn qaıta zerdeleýge keremet múmkindik bergenin aıtty.
Alys-jaqyn shetelde de Abaıdyń mereıtoıy atalyp ótti.
Atap aıtqanda, Lıýksembýrgte Abaıdyń 175 jyldyǵyna arnalǵan kontsert ótti.
Malaızııada Abaı atyndaǵy Qazaq ádebıeti men mádenıeti ortalyǵy ashyldy. Abaı shyǵarmalary alǵash ret japon tiline aýdaryldy.
Pandemııaǵa baılanysty Abaıdyń 175 jyldyǵyn toılaýǵa bólingen qarajattan 1,7 mlrd teńge únemdelgen. Bul qarajattyń qaıda jumsalǵanyn QR Mádenıet jáne sport mınıstri Aqtoty Raıymqulova aıtty.
