«Alataý» sport kesheninde jýrnalıster arasynda fýtbol týrnıri ótip jatyr
ASTANA. 29 maýsym. QazAqparat - 2 - Búgin Astana qalasynda Jýrnalıster kúnine oraı "Alataý" sport kesheninde "Qazkontent" AQ uıymdastyrýymen dástúrli fýtbol týrnıri ótýde.
Bul dodaǵa «Habar» agenttigi, «24.kz», «Qazaqstan» ulttyq arnasy, «Kerekınfo» portaly, «Astana aqshamy» gazeti, «Qazaq radıosy», «Qazmedıa» ortalyǵy, «Qazkontent» AQ sekildi 8 komanda qatysýda.
Týrnırdiń birinshi kezdesýine «Qazaqstan» ulttyq arnasy men «Qazaq radıosy» komandalary shyqty. Tartysty oıyn kórsetken «Qazaq radıosy» 1:3 esebimen kelesi kezeńge ótti.
Odan keıin alańǵa «Astana aqshamy» gazeti men «Kerekınfo» portalynyń qurama komandalary shyqty. Bul oıynda 4:1 esebimen «Astana aqshamy» basymdyq tanytty.
Teńbil dop dodasynda, úshinshi bolyp kezdesken «Qazkontent» AQ jigitterimen «24.kz» oıynshylary tartysty oıyn kórsetip 0:3 esebimen «24.kz» komandasy jeńiske jetti.
Sońǵy kezdesýde «Qazmedıa» men «Habar» sheberleri baq synasty. Oıyn 1:1 esebimen teń túsip, penaltı belgilendi. Nátıjesinde, «Habar» oıynshylary mergendik tanytty. Esep 3:2.
Jartylaı fınalǵa joldama alǵan "Qazaq " radıosy men "Astana aqshamynyń" azamattary aldymen saıysqa tústi. Teń túsken qos komanda penaltı tebisip, "Astana aqshamy" 3:2 esebimen alǵa shyqty. Jartylaı fınalda ekinshi bolyp kezdesý ótkizgen "Habar" men "24.kz" komandalary arasynda ótken tartysty oıyn "Habar" jýrnalısteriniń paıdasyna sheshildi. Esep 4:0.
Endi úshinshi orynǵa talas "24.kz" pen "Qazaq radıosy" arasynda uıymdastyryldy. «Qazaq radıosynyń» qurama komandasyn 0-1 esebimen jeńgen «24.kz» jigitteri úshinshi oryndy menshiktedi. Al endi qazirgi kezde «Habar» men «Astana aqshamy» komandalary 1-shi men 2-shi oryn úshin talasqa túsip jatyr, dep habarlaıdy Baq.kz.
