Alataý polıgonyndaǵy órtke tórtinshi kún: qazirgi jaǵdaı qalaı

QONAEV. KAZINFORM – Almaty oblysynda ornalasqan qoqys polıgonynda órt tórtinshi kún qatarynan sóndirilip jatyr.

Almaty oblysy TJD málimetinshe, qazirgi tańda polıgon betindegi jumys alańdary keńeıtilgen. Bul ınjenerlik tehnıkany kóbirek paıdalanýǵa múmkindik berdi.

Sondaı-aq TJM bólimsheleri janý oshaqtaryn ınertti materıaldarmen toltyryp, topyraqty tyǵyzdaýda jáne ınektsııalyq sóndirý ádisi qoldanylyp jatyr.

- Bul ádis sýdy tutanyp jatqan qaldyqtardyń tereńdigine tıimdi engizedi. Ol jasyryn órt oshaqtaryn salqyndatýǵa jáne oqshaýlaýǵa múmkindik beredi. Mundaı taktıka órtti joıý jumystarynyń tıimdiligin edáýir arttyrady. Sýdy úzdiksiz jetkizý úshin úsh ýchaskeden sý alý uıymdastyrylǵan. Órtti joıý boıynsha jumystar úzdiksiz júrgiziledi, - dep habarlady TJD.

Eske salaıyq, buǵan deıin órtke baılanysty oblystaǵy aýa sapasy sanıtarlyq normaǵa qanshalyqty sáıkes ekenin jazǵanbyz.