Alataý polıgonynda órt sóndirgen qyzmetkerler marapattaldy

QONAEV. KAZINFORM — Búgin Alataý qalasynyń qoqys polıgonyndaǵy iri órtti sóndirýge belsene atsalysqan azamattardy marapattaý rásimi ótti. 

Saltanatty is-shara barysynda Almaty oblysynyń mobılızatsııalyq daıyndyq, aýmaqtyq jáne azamattyq qorǵanys basqarmasynyń basshysy Asqar Toıchýbekov tótenshe jaǵdaıda erlik pen janqııarlyq tanytqan qyzmetkerler men eriktilerge alǵys bildirdi.

— Bul marapat — sizderdiń kásibılikterińizdiń, janqııarlyqtaryńyzdyń jáne otansúıgishtikterińizdiń aıqyn dáleli. Qıyn sátte kúsh biriktirip, apattyń saldaryn der kezinde toqtata bildińizder, — dedi ol.

Arnaıy tizim boıynsha úzdik qyzmetkerlerge marapattar tabystaldy.

Eske salaıyq, buǵan deıin Alataý qalasynyń qoqys polıgonyndaǵy iri órtke baılanysty jergilikti aýqymdaǵy tehnogendik sıpattaǵy tótenshe jaǵdaı rejımi engizildi.

Senbi kúni polıgonyndaǵy órt oqshaýlanǵan bolatyn.

Búgin Alataý qoqys polıgonyndaǵy órt tolyqtaı sóndirildi.