Alataý qalasynda jańa mektep ashyldy
QONAEV. KAZINFORM – Almaty oblysy, Alataý qalasy, Eńbek yqshamaýdanynda «Jaıly mektep» jobasy aıasynda salynǵan mektep qoldanysqa berildi.
Jańa qaladaǵy 3 qabatty mektep 600 orynǵa arnalǵan. Almaty oblysy ákiminiń birinshi orynbasary Nurlan Ábdirahymnyń málimetinshe, oblystaǵy bilim salasynyń basty problemasy – úshaýysymdy oqytý men oryn tapshylyǵy.
«Sondyqtan máseleni sheshý maqsatynda 2024 jyly oblysta «Jaıly mektep» jobasy aıasynda 26, jeke ınvestor arqyly 4 jáne jergilikti bıýdjet esebinen 2 mektep qoldanysqa berý josparlanǵan», — dep atap ótti ol.
Mektepte sapaly bilim alý úshin barlyq jaǵdaı qarastyrylǵan. Mektepte sońǵy úlgide jabdyqtalǵan kabınetter, erekshe bilim alýshylarǵa arnalǵan ınklıýzıvti ortalyq, sheberhana, kitaphana, robototehnıka, STEM jáne modıfıkatsııaly kabınetter, sport zaly, ashana, májilis zaldary balalar ıgiligine qyzmet etedi.
«Bolashaq jastarymyzdyń jahandaný kezeńinde sapaly bilim men sanaly rýhanı tárbıe berý mańyzdy. Endigi kezekte, oblysymyzdyń daryndy balalar sany búgingi jańa da jaıly mektepte bilim alatyn oqýshylarmen tolyǵatynyna senimdimin», — dedi oblys ákiminiń birinshi orynbasary.
Osy jyldyń basynda Almatydan soltústikke qaraı 47 shaqyrym jerde ornalasqan Jetigen aýyly oblystyq mańyzy bar Alataý qalasyna aınalǵan bolatyn.
Buǵan deıin jańadan qurylǵan Alataý qalasynyń damý baǵyty týraly jazǵan edik.
Sondaı-aq Vıtse-premer Qanat Bozymbaevtyń tóraǵalyǵymen Alataýdy damytý máseleleri jónindegi jobalyq keńseniń ekinshi otyrysy ótti.
