Alataý qalasynda zańsyz qurylys toqtatyldy

QONAEV. KAZINFORM — Almaty oblysynyń Alataý qalasynda zańsyz qurylys derekteri anyqtaldy.

Almaty oblysy ákimdiginiń málimetinshe, «Zarechnyı» shaǵyn aýdanynda ótken kóshpeli keńes barysynda «LH AL» JShS-ǵa tıesili qurylys nysanynda ruqsat qujattarynsyz jer qazý jumystary júrgizilgeni belgili boldy. Tekserý nátıjesinde kompanııanyń  qurylys zańnamalaryn saqtamaı jumys júrgizip jatqany anyqtalǵan.

— Bul derekke baılanysty Almaty oblysynyń Memlekettik sáýlet-qurylys baqylaý basqarmasyna «LH AL» JShS nysanyndaǵy barlyq qurylys jumystaryn tıisti jobalyq jáne ruqsat qujattary tolyq rettelgenge deıin toqtatý tapsyryldy. Alataý qalasynyń ákimdigine ýákiletti organdarmen birlese otyryp, uńǵymanyń ózdiginen aǵýyn joıý boıynsha is-sharalar josparyn ázirleý mindetteldi. Atalǵan másele oblys ákiminiń jeke baqylaýynda, — dep habarlady ákimdikten.

Sonymen qatar Tabıǵat qorǵaý prokýratýrasy men Polıtsııa departamentine zańnama talaptarynyń saqtalýyna baqylaý ornatyp, quqyqtyq sharalar qabyldaý tapsyrylǵan.

Eske salaıyq, buǵan deıin Almaty oblysynda bóget qurylysynyń merzimin sozǵan merdiger tekseriletinin jazǵanbyz.

Odan bólek Almaty oblysynda qurylysy bitpegen 5 nysan buzylatynyn jazǵan edik.