23:12, 06 Jeltoqsan 2024 | GMT +5
Alataý qalasynda sıntetıkalyq esirtkiniń iri partııasy tárkilendi
QONAEV.KAZINFORM — Almaty oblysynyń jańadan qurylǵan Alataý qalasynda «Ýchaske» jedel-aldyn alý is-sharasy aıasynda 29 jastaǵy er adam ustaldy.
Oblystyq polıtsııa málimetine sáıkes, er adamdy tintý kezinde ishinde untaq zaty bar 143 oram tabylǵan.
— Zerthanalyq zertteýler qorytyndysy boıynsha tárkilengen zattyń jalpy salmaǵy 156,18 gramm «Alfa PVP» sıntetıkalyq preparaty ekeni anyqtaldy. Kúdikti ýaqytsha ustaý ızolıatoryna qamaldy. Tergeý jalǵasyp jatyr, — dep habarlady oblystyq PD baspasóz qyzmeti.
Aıta ketken jón, 156 gramm tárkilengen zattyń jalpy quny 3 mıllıon 150 myń teńge teń.
Eske salaıyq, buǵan deıin Qyzylordada sottalǵan adamǵa kámpıt ishine jasyrylǵan esirtki ótkizbek bolǵan azamatsha ustalǵanyn jazǵanbyz.