Alataý qalasynda gaz qubyryna kólik soǵylyp, birneshe kóshe jylýsyz qaldy

  ALATAÝ. KAZINFORM — Alataý qalasynda jol -kólik oqıǵasy saldarynan birshama úıge jylý berý toqtatyldy. 

Qala ákimdiginiń málimetinshe, keshe saǵat 21:40–ta gaz qubyrynyń ortasha qysymdaǵy arkasyn avtokólik soǵyp ketý saldarynan apattyq jaǵdaı bolǵan. Osyǵan baılanysty Rechnaıa, Sadovaıa, Novaıa, Nekrasov, Lenın, Kalıbekov, Jampeıisov, Maqataev, Momyshuly, Ýálıhanov kóshelerinde (Kalıbekov kóshesinen Jambyl kóshesine deıin) gaz berý ýaqytsha toqtatyldy.

— Búgin tańerteńnen bastap jaýapty mekeme — «NatGas» JShS tarapynan arnaıy brıgada qalpyna keltirý jumystaryn júrgizip jatyr. Qaýipsizdik talaptaryna sáıkes, avarııalyq-qalpyna keltirý dánekerleý jumystary túngi ýaqytta júrgizilmeıdi. Gaz berý búgingi kúnniń sońyna deıin tolyq qalpyna keltiriledi dep josparlanǵan. Osyǵan baılanysty turǵyndardan gaz eseptegishtiń aldyndaǵy krandy jabýdy jáne ýaqytsha balamaly otyn túrlerin paıdalanýdy suraımyz, — dep habarlady ákimdikten.

Eske salaıyq, buǵan deıin Aqtóbede bútin bir aýyl turǵyndary gaz beriledi dep jylýsyz qalǵanyn jazǵanbyz.