Alataý qalasynda bıýdjetten jalaqy alatyn qyzmetkerlerdiń aılyǵyna 25 paıyz ústemeaqy qosylady

ASTANA. KAZINFORM – Almaty oblysynyń ákimdigi jergilikti bıýdjetten qarjylandyrylatyn mekeme qyzmetshileriniń aılyǵyna ústemaqy tóleý týraly qaýly jobasyn kópshilik talqylaýyna shyǵardy.

Yntalandyrý ústemeaqysy oblystyq bıýdjetten qarjylandyrylatyn 4 salanyń vedomstvolyq baǵynysty uıymdarynda jumys isteıtin jumyskerlerge taǵaıyndalady. Olar:

1) áleýmettik qamsyzdandyrý;

2) bilim berý;

3) mádenıet;

4) sport.

- Almaty oblystyq máslıhatynyń 2024 jylǵy 27 qarashadaǵy №29-154 sheshimimen yntalandyrý ústemeaqylar laýazymdyq jalaqynyń 25% mólsherinde belgilendi, - dep jazylǵan qujatta.

Qaýly jobasynda qujat 2025 jyldyń 1 qańtarynan bastap kúshine enetini aıtylǵan.

Al qujatty talqylaý merzimi 6 qańtarǵa deıin dep belgilengen.

Eske salsaq, Premer-mınıstrdiń orynbasary — Ulttyq ekonomıka mınıstri Nurlan Baıbazarov Májilistiń kezekti jalpy otyrysynan keıin Alataý qalasy qandaı qarajatqa salynatynyn aıtqan edi.