Alataý qalasynda boran saldarynan zaqymdanǵan nysandar túgendelip jatyr
ALATAÝ. KAZINFORM — Alataý qalasynyń ár aýmaǵynda qatty jelden ınfraqurylym zaqymdanǵan.
Qala ákimdiginiń málimetinshe, keshe túngi ýaqytta bolǵan boran saldarynan ınjenerlik jeliler zaqymdanyp, túrli nysandardyń shatyry ushqan.
Aǵash qulaý derekteri de bar.
Ákimdik turǵyndardan isten shyqqan jeliler boıynsha jergilikti atqarýshy organǵa habarlasýdy surady.
— Qazirgi ýaqytta qalpyna keltirý jumystary júrgizilip jatyr. Kommýnaldyq qyzmetter kúsheıtilgen rejımde jumys isteýde. Injenerlik jelilerdiń zaqymdanýy týraly aqparatty +7 707 631 95 70 nómirine WhatsApp arqyly joldaýlaryńyzdy suraımyz, — dep habarlady ákimdikten.
Eske salaıyq, Qonaev qalasynda da qatty jelden turǵyn úıler men ınjenerlik jelilerge zaqym keldi. Búgin qalada 1-11-synyp oqýshylary qashyqtan oqýǵa kóshirildi.