14:36, 11 Aqpan 2025 | GMT +5
Alataý qalasynda 89 jetim bala úı kezeginde tur
QONAEV. KAZINFORM – Alataýda bir myńǵa jýyq adam baspana kezeginde tur.

– Qazir qalada 991 adam úıge kezekte tur. Kópbalaly analardan 343 adam, jetim balalardan — 89, áleýmettik osal toptardan — 399, bıýdjettik uıym qyzmetkerlerinen 160 adam bar, – dedi baspasóz máslıhaty barysynda qala ákimi Árken Ótenov.
Aıtýynsha, bıyl turǵyn úımen qamtamasyz etý baǵdarlamasy aıasynda áleýmettik osal toptar sanatyna jatatyn 40 otbasyna baspana beriledi.
– Turǵyn úı-kommýnaldyq sharýashylyǵyn damytý salasynda keshendi sharalar júzege asyrylady. Infraqurylymdy jańǵyrtý men tıimdiligin arttyrý maqsatynda birneshe mańyzdy joba osy jyly qolǵa alynbaq,– dep atap ótti qala basshysy.
Buǵan deıin Qonaev qalasynda 80 otbasyna páter kilti tabystalǵan bolatyn.