Alataý qalasynda 24 kósheniń ataýy joq

QONAEV. KAZINFORM – Alataý qalasynda 366 kóshe bar. Onyń 24-niń ataýy joq. Bul týraly Almaty oblysynyń Óńirlik kommýnıkatsııalar qyzmetiniń alańynda shahar basshysy Árken Ótenov málimdedi. 

Árken Ótenovtyń aıtýynsha, onomastıka salasy boıynsha Alataý qalasy ákimshilik-aýmaqtyq quramynda 12 shaǵyn aýdan ornalasqan. Kóshelerdiń jalpy sany – 366.

– Qazir qala aýmaǵyndaǵy jańa qurylys alańdarynda ataýy joq 24 kóshe bar. Atap aıtar bolsam, Jańatalap yqsham aýdanynda – 8 kóshe, Yntymaq yqsham aýdanynda – 15 kóshe jáne Jańadáýirde – 1 kóshe, – dedi qala ákimi.

Budan bólek, ataýy ıdeologııalyq turǵyda eskirgen jáne mán-maǵynasy joq kósheler bar.

– Eskirgen 26 kósheniń ataýyn ózgertý týraly suranys haty oblystyq onomastıka bólimine joldandy. Josparǵa sáıkes, kóshe ataýlaryn ózgertý osy jyldan bastap qarastyrylatyn bolady,– dedi ol.

Eske salaıyq, buǵan deıin Almaty men Alataý qalasynyń arasynda sýtegimen júretin tikushaq-taksı paıda bolýy múmkin ekenin jazǵanbyz.

Sondaı-aq Alataý qalasyn salýǵa qarajat qaıdan alynatyny týraly jazǵan bolatynbyz.