Alataý qalasynda 1,8 mlrd teńgeniń jer telimderi memleketke qaıtaryldy

ASTANA. KAZINFORM – Bul týraly Almatyq oblystyq prokýratýrasynan málim boldy.

Oblys prokýratýras baspasóz qyzmetiniń habarlaýynsha, Alataý qalasy qurylǵan sátten bastap prokýratýra jer resýrstaryn qorǵaý baǵytynda belsendi jumys júrgizip keledi. Osy oraıda jer ýchaskeleriniń ornalasqan jeri boıynsha jasalǵan manıpýlıatsııalar anyqtaldy. Keıbir ýchaskeler zańsyz túrde Qaraoı aýyldyq okrýginen Baıserke aýyldyq okrýgine aýystyrylǵan.

Prokýrordyń talap-aryzdary boıynsha olar memleket qoryna qaıtaryldy. Jalpy aýdany 66,5 ga, kadastrlyq quny 1,8 mlrd teńge quraıdy.

Osyǵan uqsas taǵy bir is sotta qaralyp jatyr, onyń aýdany 3,4 ga, kadastrlyq quny 96,9 mln teńge.

Sonymen qatar prokýratýra jalpy aýdany 236 ga, kadastrlyq quny 5 mlrd teńge bolatyn 21 jer ýchaskesin anyqtady. Bul ýchaskeler zańsyz berilgen, al bir bóligi uzaq ýaqyt boıy nysanaly maqsaty boıynsha paıdalanylmaǵan.

- Qazirgi ýaqytta olardy memleket menshigine qaıtarý jóninde sotqa talap-aryzdar joldandy. Jer zańnamasyn qoldaný salasyndaǵy jumys Alataý qalasynyń prokýratýrasynyń turaqty baqylaýynda, - delingen habarlamada.

Osyǵan deıin Aýyl sharýashylyǵy mınıstrligi 2025 jyly qaıtarylýy tıis 2 mln ga jerdiń 1,67 mln gektaryn memleket menshigine qaıtarylǵany týraly jazdyq.