Alataý qalasyn damytýǵa jasandy ıntellekt qoldanylmaq
ALMATY. KAZINFORM - Almatyda ótip jatqan Central Asia Fintech Summit sammıtinde Ulttyq banktiń Tsıfrlyq damý ortalyǵy men Alatau City Authority memorandýmǵa qol qoıdy.
Memorandýmǵa sáıkes, taraptar Alatau City-di damytýǵa tsıfrlyq sheshimder men jasandy ıntellekt tehnologııasyn qoldaný múmkindikterin zerttep kórýge nıetti.
Ulttyq banktiń Tsıfrlyq damý ortalyǵy aqparattyq júıelerdi ázirleý, ıntegratsııalaý jáne qoldaý boıynsha tehnologııalyq seriktes bolady.
Osy yntymaqtastyq aıasynda taraptar basty baǵyttar men jobalardy aıqyndap, soǵan saı jol kartasyn ázirlemek.
Seriktestiktiń taǵy bir baǵyty – SupTech platformasyn tanystyrý jáne ony Alatau City Authority jumysyna paıdalaný múmkindigin baǵalaý. Platforma derekti taldaýǵa jáne qadaǵalaý jumysyn júrgizýge arnalǵan tsıfrlyq quraldardy bir júıege biriktiredi.
Sonymen qatar Ulttyq bank VEON jáne VEON tobyna kiretin “KaR-Tel” kompanııasymen taǵy bir memorandýmǵa qol qoıdy.
Qujatta VEON tobyndaǵy kompanııalardyń birinshi sanattaǵy tólem uıymy lıtsenzııasyn alý máselesi qarastyrylǵan.
Onymen qosa memorandýmda tólem qyzmetterin jetildirý jáne jańa tsıfrlyq tólem qyzmetterin engizý taqyryby kóteriledi.
Eske salsaq, Alataý qalasynda «krıptoqala» tujyrymdamasy engiziletini habarlandy.
