Alataý qalasy qurylysynyń negizgi qaǵıdalary jańa Konstıtýtsııaǵa engizildi - Prezıdent
ASTANA. KAZINFORM – Memleket basshysy Qasym-Jomart Toqaev Alataý qalasyn damytý jónindegi keńeste sóz sóıledi.
- Búgin biz Alataý qalasyn damytý boıynsha ózekti máselelerdi talqylaımyz.
Barshańyzǵa málim, men osydan eki jyl buryn bolashaq qalasy – Alataý shaharyn salý týraly sheshim qabyldadym. Bul jobanyń tutas elimiz úshin strategııalyq mańyzy zor.
Biz osy qalaǵa ınvestıtsııa tartyp, ony bıznestiń jáne ınnovatsııanyń jańa ortalyǵy retinde damytatyn boldyq, - dedi Prezıdent.
Ol osy jerde ómir súrý, jumys isteý azamattarymyzǵa, ásirese, óskeleń urpaqqa mol múmkindik bermetinin alǵa tartty.
- Sondyqtan Alataý qalasy qurylysynyń negizgi qaǵıdalary jańa Konstıtýtsııaǵa engizildi. «Alataý qalasynyń arnaýly quqyqtyq rejımi týraly» konstıtýtsııalyq zań qabyldandy.
Osy tusta birneshe mańyzdy máseleni pysyqtap alýymyz kerek. Aldymen, osy kezge deıin júrgizilgen jumyspen tanysaıyq.
Sonymen qatar jedel máseleler men uzaq merzimge arnalǵan mindetterge toqtalý qajet. Bir sózben, aldaǵy jumystyń baǵdaryn aıqyndap alǵan jón, - dedi Memleket basshysy.
Aıta keteıik, búgin Prezıdent Alataý qalasynyń damý barysymen tanysty.
