Alataý qalasy Digital by default qaǵıdatyna negizdelip qurylady
ASTANA. KAZINFORM — Alataý qalasy «Digital by default» qaǵıdatyna negizdelip qurylady. Bul týraly Parlament palatalarynyń birlesken otyrysynda Premer-mınıstrdiń orynbasary Qanat Bozymbaev aıtty.
— Qala bastapqydan «Digital by default» qaǵıdatyna negizdelip qurylady. Barlyq negizgi qyzmetter tsıfrlyq formatta jumys isteıdi. Qalada ınnovatsııalyq tehnologııalardy engizý úshin eksperımentaldy quqyqtyq rejımder qarastyrylady. Bul baılanys, tsıfrlyq jeliler, jasandy ıntellekt, robottyq júıeler jáne avtonomdy kólik sııaqty salalardy qamtıdy, — dedi ol.
Vıtse-premerdiń aıtýynsha, Alatau City Authority dyń tsıfrlyq platformasy arqyly rezıdentterge negizgi qyzmetter usynylady. Olardyń ishinde ruqsat berý rásimderi jáne arnaıy quqyqtyq rejımdi qoldaný josparlanyp otyr.
— Bul júıeler memlekettik aqparattyq júıelermen biriktiriledi. Sonymen qatar Alataý qalasynda tsıfrlyq aktıvterdiń aınalymyn krıptobırja, tokenızatsııa sııaqty tsıfrlyq aktıvterdiń retteý múmkindigi qarastyrylady. Bul másele Ulttyq bank pen qarjyny retteý agenttiginiń kelisýi boıynsha jáne qarjylyq turaqtylyq qaǵıdatyn saqtaı otyryp júzege asyrylatyn bolady, — dedi Qanat Bozymbaev.
Aıta keteıik, Parlament palatalarynyń birlesken otyrysynda depýtattar «Alataý qalasynyń arnaýly mártebesi týraly» Qazaqstan Respýblıkasy Konstıtýtsııalyq zańynyń jobasyn birinshi oqylymda qarap jatyr.
