Alataý aýdanynyń turǵyndary 5 jylda 40 myń adamǵa kóbeıdi
ALMATY. 1 mamyr. QazAqparat - Halqynyń ósýi jaǵynan Alataý aýdanymen respýblıkanyń birde-bir aýdany teńese almaıdy. Ony Almaty qalasynyń ákimi Ahmetjan Esimov búgin «Halyq» sporttyq oıyn-saýyq kesheni parkinde aýdan turǵyndaryn Qazaqstan halqynyń birligi merekesimen quttyqtaǵan kezde aıtty.
«Bul kún Alataý aýdany úshin erekshe kún. Qurylǵanyna bıyl 5 jyl tolǵaly otyrǵan aýdanda osy ýaqyttyń ishinde kóp jumystar jasaldy. Oǵan memleketten 70 mlrd. teńgeden astam qarjy bólindi. Júzdegen shaqyrymǵa sý, jylý, elektr, gaz júıeleri tartylyp, joldarǵa kúrdeli jóndeý júrgizilip, jańadan salyndy. Sondaı-aq qanshama balabaqsha, emhanalar ashyldy», - dedi A.Esimov. 5 jylda halqy 40 myńǵa kóbeıgen aýdannyń kórsetkishimen respýblıkada birde-bir aýdan teńese almaıdy. Bul aýdannyń keleshegi zor ekeniniń naqty aıǵaǵy bola alady. Sondyqtan shahar basshysy aýdan turǵyndarynyń denine saýlyq, otbasyna amandyq, eńbekterine úlken tabys tiledi.
