Alataý aýdanynyń ınfraqurylymyn damytýǵa eki jyl ishinde 3,31 mıllıardtan astam teńge bólindi - A.Esimov
; ALMATY. Shildeniń 3-i. QazAqparat /Ádilet Musahaev/ - Búgin bizdiń qala úshin aıtýly mereke. Osydan eki jyl buryn Elbasynyń qoldaýymen qalamyz jetinshi aýdanmen tolyqty. Bul kúnniń Astana qalasynyń mereıli toıymen tuspa-tus kelýi de jaqsylyqtyń nyshany. Bul jaıynda Almaty qalasynyń ákimi Ahmetjan Esimov Alataý aýdanynyń eki jyldyǵyna oraı ótken merekelik sharada aıtty,
dep habarlaıdy QazAqparat.
Qala ákimi Alataý aýdany erekshe mártebege ıe jáne eki jyldyń ishinde bunda kóptegen sharýa atqarylǵandyǵyn aıtyp ótti. «Buryn osy eldi-mekenderdegi tártipsizdik, jumyssyzdyq, zańsyzdyq, ereýil men aıqaı-shý barlyǵymyzdy tolǵandyrǵan bolatyn. Oǵan qaraıtyn birde-bir memlekettik organ bolǵan joq. Qazirgi ýaqytta turǵyndardyń qajettilikterin óteıtin memlekettik qurylymdardyń barlyǵy da bar», deıdi A.Esimov.
Sondaı-aq ol Alataý aýdanynyń ınfraqurylymdaryn damytýǵa álemdik qarjy daǵdarysyna qaramastan eki jyl ishinde 3,31 mıllıardtan astam teńge bólingendigin aıtyp ótti. «Sol qarajattyń arqasynda aýdanda úsh mektep, úsh balabaqsha ashyldy jáne jýyq arada 330 oryndyq taǵy bir balabaqsha qoldanysqa berilmek. Keshe ǵana «Shańyraq-2» yqsham aýdanynda úlken emhana ashtyq. 160 kóshe jóndelip, 35 shaqyrym jolǵa ortasha jóndeý, 37 shaqyrymyna jańa jol salyndy», deıdi qala ákimi. Sonymen qatar atalmysh aýdanda 8 shaqyrymdyq jaryq toraby tartylyp, 23 shaqyrymyna gaz, 20-na sý qubyrlary tartylǵan.
Sonymen birge qala ákimi aýdandaǵy jumyssyzdyqty azaıtý úshin de kóptegen sharýa atqarylǵandyǵyn aıta kele «2 jyl ishinde 2 myńǵa tarta adam «Jol kartasy», «Jastar tájirıbesi» baǵadrlamalary boıynsha jumystarǵa tartyldy. Ardagerler men qart adamdar, kóp balaly analarǵa 1,5 mıllıon teńgege jýyq materıaldyq kómek kórsetildi. Ótken jyly turmysy tómen 463 otbasyna 13,5 mıllıon tegedeı áleýmettik kómek kórsetilip, 2100 adam ákimdik ǵımaratyna tirkelip, osyndaı kómekterge ıe boldy», dep atap ótti óz sózinde.
