Alataý aýdanynda 400 oryndyq jańa balabaqsha paıdalanýǵa berildi - Almaty
Y. Qazannyń 1-i. QazAqparat /Erbol Turymbetov/ - Búgin Almaty qalasy Alataý aýdanynda jańa №167-shi balabaqshanyń saltanatty ashylý rásimi bolyp ótti.
Respýblıkalyq «Balapan» baǵdarlamasynyń aıasynda qoldanysqa berilip otyrǵan bul mekeme Alataý aýdanyndaǵy 4-shi balabaqsha bolyp tabylady. Saltanatty sharaǵa Almaty qalasynyń ákimi Ahmetjan Esimovpen birge, Alataý aýdany ákimi Baǵdat Mánizorov jáne basqalar qatysty. Shara barysynda qala ákimi merekege qatysýshylardy quttyqtap, sóz sóıledi.
«Jańadan ashylyp otyrǵan bul balabaqsha 400 búldirshindi qabyldaı alady. Endi kem degende 2-3 jyl kóleminde bizdiń balabaqshaǵa degen muqtajdyǵymyz bolmaıdy. Ǵımarat barlyq sanıtarlyq jáne basqa da talaptarǵa saı salynǵan», dedi B. Mánizorov.
2 qabatty balabaqsha 9 aı kóleminde salynyp bitken. Al onyń qurylys jumystaryna bólingen 660 mln. teńge tolyǵymen ıgerilgen.
