Alataý aýdanynda 18 káriz sorǵy stantsııasyn salý kerek - Erbolat Dosaev
«Qazirgi ýaqytta «Aqbulaq», «Ójet» jáne «Samǵaý» shaǵyn aýdandarynda sýmen qamtý jelileri salynyp, olardy iske qosý jumystary júrgizilýde. Qosymsha 6 shaǵyn aýdanda jalpy uzyndyǵy 207 shaqyrym bolatyn ortalyq sýmen qamtý jáne sý burý jelileri salynyp jatyr. Jyl sońyna deıin «Shapaǵat», «Qarasý», «Alǵabas» shaǵyn aýdandarynyń turǵyndary sý qubyry jelilerine qosyla alady»,- dedi Erbolat Dosaev.
Sondaı-aq, ol 10 káriz sorǵy stantsııasy jáne «Shańyraq-1» shaǵyn aýdanynda sýmen jabdyqtaý jáne sý burý jumystary aıaqtalýǵa jaqyn ekenin jetkizdi. Qalǵan shaǵyn aýdandar boıynsha jumystar 2023 jyldyń jeltoqsan aıynda aıaqtaý josparda.
«Sonymen birge, osy jyldyń qyrkúıek aıynda «Terekti» shaǵyn aýdanynda 44 km sý jáne 32 km kanalızatsııa jelileriniń qurylysyn bastaımyz. Osy jumystar 2024 jyldyń jeltoqsanyna deıin júrgiziledi. Búginde sý kanalızatsııa júıesiniń jumys isteýi úshin aýdanda 18 kanalızatsııalyq sorǵy stantsııasyn salý qajet. Almaty qalasynyń ákimdigi osy stantsııalardy salý jáne iske qosý úshin kedergi keltiretin qurylystar ornalasqan jer ýchaskelerin kezeń kezeńimen alý týraly sheshim qabyldady»,- dep atap ótti Almaty ákimi.
Qazirgi ýaqytta «Shańyraq-2» shaǵyn aýdanynda 4 ýchaskeni alý jumystary júrip jatyr. 3 ýchaskede jumystar júrgizilýde, jabdyqqa tapsyrys berildi. Qurylys-montajdaý jumystaryn osy jyldyń jeltoqsan aıynda aıaqtaý kózdelgen.
Erbolat Dosevtyń sózinshe, káriz sorǵy stantsııalarynyń qurylysy aıaqtalǵanǵa deıin Alataý aýdanynyń ákimdigi osy shaǵyn aýdanda assenızatorlyq mashınalardy paıdalanyp, septıkter men kanalızatsııa júıelerin tazalaýdy qamtamasyz etedi.
