Alataý aýdanynda 1200 oryndyq mektep salynady - aýdan ákimi
ALMATY. Aqpannyń 25-i. QazAqparat /Erlik Erjanuly/ - Alataý aýdanynda bıyl 1200 oryndyq mektep salynady.
Bul jaıly aýdan ákimi Baǵdat Mánizorov búgin 4-shi shaqyrylǵan qalalyq máslıhattyń XXVI sessııasynda aıtty, dep habarlaıdy QazAqparat.
«Alataý aýdanynyń bilim berý salasynda 16 orta mektep, 1 respýblıkalyq sporttaǵy daryndy balalarǵa arnalǵan mektep-ınternat, 1 joǵary oqý orny, 2 kolledj, 6 balabaqsha jumys jasaıdy. Jalpy bilim beretin oqý oryndarynyń jetispeýshiligi, mektepterdegi oqýshylar sanynyń shamadan tys kóptigi bul salada kún tártibinde turǵan eń ózekti másele bop tur. Jobalyq qýaty - 12 294 balany quraıtyn 16 mektepte qazir 19 661 oqýshy bilim alýda. Olar óz múmkindiginen 7 148 oqýshyny artyq oqytýda. Sonyń biri Qarasý yqshamaýdanyndaǵy 320 oryndyq №164 orta mektep. Búgingi tańda onda 883 bala oqýda», deıdi ákim. B. Saılanbaıulynyń aıtýynsha, byltyr «Uljan-1», «Áıgerim-1», yqshamaýdandarynda 1200 oryndyq mektep paıdalanýǵa berildi. Al aýdan qurylǵaly beri 1,5 jyldyń ishinde jańadan 3 mektep ashylǵan bolatyn. Bıyl «Alǵabas» yqshamaýdanynda 1200 oryndyq mektep, 720 oryndyq kásiptik tehnıkalyq mektep salý úshin smetalyq-jobalyq qujattar daıyndaý josparlanyp otyr.
