Alataý aýdanyn damytýǵa 8 jyl ishinde 270 mlrd teńge bólindi

Almaty qalasy óńirlik kommýnıkatsııalar qyzmeti alańynda sóz sóılegen B.Manzorov 8 jyl buryn, alǵash aýdan qurylǵan kezde zańsyz ıemdengen jer ýchaskelerin zańdastyrýdyń eń ózekti másele bolǵanyn atap ótti. Atalǵan másele 5 jyl buryn sheshildi, nátıjesinde 5151 jer telimi zańdastyryldy. «8 jylda aýdannyń damýyna bıýdjetten 274,2 mlrd teńge bólingen, halyq sany - eki júz jıyrma myń adamnan asady. 8 jyldaǵy salyq túsimi 6,5 mlrd. teńgeden 20 mlrd. teńgege deıin ósken. Respýblıkalyq bıýdjet úlesi 3,7 mlrd. teńgeden 11,7 mlrd teńgege, jergilikti bıýdjet úlesi  2,8 mlrd. teńgeden 8,6 mlrd. teńgege deıin ulǵaıdy», - dep habarlady aýdan ákimi.

Onyń málimetteri boıynsha, óndiris 2,5 mlrd teńgeden 58 mlrd teńgege, aýdan boıynsha negizgi kapıtalǵa fızıkalyq kólemniń ósý ındeksi 100 mıllıard teńgege deıin ósti, jumysshylardyń ortasha aılyq jalaqysy 116 myń teńgeni qurady. Taýar aınalymy kólemi 889 mln teńgeden 202 mlrd teńgege deıin ulǵaıdy, onyń ishinde bólshek taýar aınalymy 84 mlrd teńgeni quraıdy, kóterme saýda kólemi 118 mlrd teńgege deıin kóterildi. «Indýstrıaldy-ınnovatsııalyq damý» memlekettik baǵdarlamasyna sáıkes, Alataý aýdanynda 490 gektar jerge Indýstrıaldy aımaq qurylysy júrip jatyr. Onyń negizgi damý baǵyttary azyq, qurylys, jeńil, jıhaz jáne hımııalyq, ónerkásipter jáne mashına jasaý, farmatsevtıka bolmaq», - dep atap ótti ol.

B.Manzorovtyń habarlaýynsha, búginde Indýstrıaldy aımaqtan jer telimin alýǵa kásipkerlerden 194 ótinim qabyldanǵan, onyń 33-i maquldandy. Bir kásiporynnyń qurylysy aıaqtaldy jáne taǵy eki zaýyttyń qurylysy bastaldy.

Tutastaı alǵanda, 8 jylda 159 shaqyrym elektr jelisi, 199 shaqyrym toraptyq gaz júıeleri júrgizildi. 34 shaqyrym sý júıesi, 71 shaqyrym avtokólik joldary jáne úsh jol aıryq pen 15 jerústi jaıaý júrginshiler joly salyndy.

«Memlekettik-jekemenshik áriptestik baǵdarlamasy aıasynda jeke ınvestıtsııa esebinen aýdanda 18 sporttyq jáne balalar alańy turǵyzyldy. MJS aıasynda 22 balabaqsha paıdalanýǵa berildi», - dedi Alataý aýdanynyń ákimi.

Memlekettik-jekemenshik áriptestikti damytýdyń «Bes ınstıtýtsıonaldyq reformany júzege asyrý jónindegi 100 naqty qadamnyń» 34-qadamynda kórsetilgenin atap ótken jón. Atalǵan másele memlekettik-jekemenshik áriptestikke qatysty máselelerdi birneshe ret kótergen Memleket basshysynyń jiti baqylaýynda. Qurylysqa, penıtentsıarlyq mekemeler basqarmalaryna jeke sektorlardy tartý boıynsha usynystar qurý jáne halyqaralyq tájrıbelerdi zertteý qajet, delingen Ult josparynyń 34-qadamynda. Aýdanda 68 kópqabatty úıdiń qurylysy aıaqtalǵan, onyń basym bóligi «Saıaly» shaǵynaýdanynda ornalasqan. Baspanalaryna zaqym kelgen «Alǵabas-6» shaǵynaýdanynyń turǵyndaryna «Saıaly» shaǵynaýdanynan jańa úıler beriledi. Úıler bıyl 1 jeltoqsanda qoldanýǵa beriledi.