Alataý aqparattyq tehnologııalar parki erkin ekonomıkalyq aımaǵyn keńeıtý máselesi Úkimettiń kún tártibinde tur - S. Ahmetov
ALMATY. 3 jeltoqsan. QazAqparat - Almaty qalasyndaǵy Alataý aqparattyq tehnologııalar parki erkin ekonomıkalyq aımaǵyn keńeıtý máselesi qazir Úkimettiń kún tártibinde tur.
Bultýraly búgin Almatyda ótip jatqan І halyqaralyq Almaty ınvestıtsııalyq forýmynda aıtyldy.
4 jyl buryn «Aqparattyq tehnolologııalar parki erkin ekonomıkalyq aımaǵyn qurǵanda 150 gektar jerge ınvestıtsııa men kásiporyndardy qalaı tartamyz dep oılaǵan edik. Qazir munda tipti bir sharshy shaqyrymdyq jer joq. Óıtkeni ınvestorlar jaǵdaı jasaıtynymyzǵa sendi. Endi aldymyzda aqparattyq tehnologııalar parkin keńeıtý máselesi tur. Álemge áıgili kásiporyndar qazir osynda qazaqstandyq kompanııalarmen birlesip óz qyzmetterin atqarýda. Munda barlyq álemdik aqparattyq kompanııalardyń ókildikteri bar. Al jańa ónimder tek Qazaqstanǵa ǵana emes, shet elderge de shyǵarylady», - dedi QR Premer-Mınıstri Serik Ahmetov. Úkimet basshysynyń aıtýynsha, qýatty shyǵarmashylyq áleýeti bar Almaty úshin Aqparattyq tehnologııalar parkiniń mańyzy zor. Onda ınnovatsııalyq tehnologııalardyń transferti júzege asýda.
