«Alashuly» tobynyń quramy ózgerdi
ASTANA. QazAqparat - Patrıottyq baǵyttaǵy toptardyń biri "Alashulynyń" quramy ózgerdi. Bul týraly ánshiler toptyń Instagram jelisindegi resmı paraqshasynda jazdy.
Toptan Ushqyn Jamalbek ketip, Erzat Ramazan esimdi solıst kelgen. Ushqyn jeke shyǵarmashylyqpen aınalysý úshin osyndaı sheshim qabyldaǵan.
Erzat - "Astana Musical" teatrynyń akteri. Top jańa qurammen án salyp ta úlgergen.
"Alashuly" toby - 2009 jyly T.Júrgenov atyndaǵy Óner akademııasynyń qabyrǵasynda qurylǵan ulttyq dástúrdi ulyqtaǵan mýzykalyq top. Top negizin qalaǵan Ushqyn Jamalbek Qytaıdyń Qulja qalasynan bolsa, Maqsat Rahmet pen Baılın Ázimbek Almatynyń týmalary. Qazir "Alashuly" etno-tobynyń ánderi - ulttyq áýenge aınalǵan.
Toptyń repertýarynda "Qara jorǵa", "Jarapazan", "Mahambettiń jyry", "Aqtannyń termesi", "Otan", "Elim meniń" syndy ulttyq boıaý sińgen 10 shaqty án bar.
